XULIO / GUTIÉRREZ
«Nor naiz ni? Animalien kumeak» bildumak faunarekiko jakin-mina eta natura zaintzeko ardura esnatu nahi ditu haurrengan txikitatik. Testu erraz, zehaztasun zientifikoarekin, eta ilustrazio samur eta iradokitzaileak lagun, titulu bakoitzak kontinente bateko zazpi kume ezagutzeko aukera eskaintzen du. Umeak parte aktiboa izan dezan irakurketan, jolas batek ematen dio hasiera animalia bakoitzari buruzko informazioari.
Asiari eta poloetako lurrei buruzko bi titulu berri hauek Europako, Afrikako, Amerikako eta Australiako faunari eskainitakoen segidan datoz. Denen artean, bilduma aproposa osatzen dute sei liburukietan deskribatzen diren berrogei espezie baino gehiago beren ingurugiroan ezagutzeko.
